गृह मन्त्रालयं ७७ गु जिल्ला प्रशासन ज्याकुयात परिपत्र याना थुगु दँया नवरात्रय् छुँ नं मठमन्दिर नापं शक्तिपीठ चायेके मबीत निर्देशन ब्यूगु दु । बिहीबाः मन्त्रालयं फुक्क स्थानीय प्रशासनयात परिपत्र जारी याना मन्त्रिपरिषदं देगः चायेकेगु विषयलय् छुं नं निर्णय मजूगुलिं माेहनीया इलय् शक्तिपीठय् नित्यपूजाया बाहेक प्रवेश मयायेत उजँ ब्यूगु दु ।
गृहमन्त्रालयया प्रवक्ता चक्रबहादुर बुढां शक्तिपीठ चायेकलकि कोरोनाया प्रसार अप्वइगु व स्वास्थ्य मन्त्रालयया तकं चासो दूगु व मन्त्रिपरिषदं तकं धार्मिक लागा चायेकेगु निर्णय मयाःगुलिं परिपत्र ब्यूगु खः ।
असोजया निगुगु वा शक्तिपीठ नापं देवालय चायेकेत इनाप यासें संस्कृति पर्यटन तथा नागरिक उड्ययन मन्त्रालयं सीसीएमसीइ प्रस्ताव छ्वःगु खः । मन्त्रालयया कथं शक्तिपीठ चायेकेगु प्रस्तावय् आःतक लिसः मवःनि ।
गृहं जारी याःगु परिपत्रय् मन्त्रिपरिषदं मेगु निर्णय मवःतलयेया नितिं दक्व देगः व शक्तिपीठ बन्द यायेगु निर्णय याःगु दु ।
0 Comments:
Post a Comment