ब्वयाच्वंगु निगु जहाज ल्वात, न्याम्ह सित


ब्वयाच्वंगु निगु चिधंगु फयेखःचा (हवाइ जहाज) सर्गतय् ल्वाना दुर्घटना जूगु दु। फ्रान्सया पश्चिम–मध्य लागाय् विमान दुर्घटना जुया न्याम्ह सिउगु स्थानीय अधिकारीया धापु अन्तर्राष्ट्रिय सञ्चारमाध्यमं न्ह्यथंगु दु ।  

टूर्स शहरया दक्षिण–पश्चिमय् स्थानीय इ कथं शनिबाः न्हिनय् प्यता त्याः इलय् निगु विमान थवं थवय् ल्वाःगु खः ।  दुर्घटना जुइनापं ५० म्ह अग्निनियन्त्रकनापं आपतकालीन सेवाया उद्दारकर्मीत घटनास्थल थ्यंगु खः । ल्वाःगु निगु विमान बँय् कुतुवंगु खःसा बँय् च्वनाच्वंपिं सुँयात छुँ मजूगु न्ह्यथंगु दु । 

निम्ह च्वनाच्वंगु माइक्रोलाइट विमान व स्वम्ह दूगु विमान ल्वाःगु खः । निगुलिं विमानय् च्वंपिं न्याम्हसिया घटनास्थलय् मृत्यु जूगु खः । दुर्घटनाया अनुसन्धान जुयाच्वंगु स्थानीय प्रहरीं न्ह्यथंगु दु ।

Share on Google Plus

News: Newa News

    छ्याता
    फेसबुक छ्याता