अस्पतालय् अक्सिजन बेड तैगु, गन गन तइ ?


स्वास्थ्य तथा जनसंख्या मन्त्रालय‌ं अक्सिजन बेड अर्थात हाई डिपेन्डेन्सी युनिट (एचडीयू) या निति‌ं अस्पतालतय् ल्ययेज्या याना ध्यबाः छ्वयेगु सुरु याःगु दु । देन्यंकं ३५०० एचडीयू तनेत अर्थ मन्त्रालयं स्वास्थ्य मन्त्रालययात ४ अर्ब २५ करोड २७ लाख २० हजार तका ब्यूगु दु । 

स्वनिगःया त्रिवि शिक्षण, पाटन व वीर अस्पतालय् १००/१०० अक्सिजन वेड तनेत्यंगु दु । अथेहे परोपकार प्रसुति व स्त्रीरोग अस्पताल, नेपाल पुलिस अस्पताल, कीर्तिपुर आयुर्वेद अनुसन्धान केन्द्र, धुलिखेल अस्पताल, दहचोक अस्पताल, निजामती अस्पताल, वीरेन्द्र अस्पताल व सशस्त्र प्रहरी अस्पतालय् ५०/५० एचडीयू तनेत्यंगु दु । २५/२५ गु अक्सिजन बेड नेपाल मेडिकल कलेज शिक्षण अस्पताल, काठमाडौं मेडिकल कलेज शिक्षण अस्पताल, किस्ट अस्पताल, कान्ति अस्पताल, नरदेवी अस्पताल, मानसिक अस्पताल, मनमोहन कार्डियोभास्कुलर  एन्ड ट्रान्सप्लान्ट सेन्टर, मानव अंग प्रत्यारोपण केन्द्र, गंगालाल हृदयरोग केन्द्र, चापागाउँ अस्पताल, भक्तपुर नगरपालिका अस्पताल, भक्तपुर अस्पताल, सुमेरु अस्पताल, नेपाल कोरिया मैत्री अस्पताल, मेडिसिटी अस्पताल, ह्याम्स अस्पताल, ग्राण्डी अस्पताल व अल्का अस्पतालया ल्ययेज्या जूगु दु । 

स्वनिगः पिने दक्व प्रदेशया स्वंगु अस्पतालय् २५/२५ गु एचडीयू थप यायेत्यंगु दु । प्रदेश १ या धरानया बीपी स्वास्थ्य विज्ञान प्रतिष्ठान, विराटनटरया कोशी अस्पताल व झापाया मेची अस्पतालयात ल्यःगु दु । प्रदेश २ या नारायणी, प्रादेशिक अस्पलाल व राजविराजया गजेन्द्र नारायण सिंह, अस्पताल व बाग्मती प्रदेशया भरतपुर, हेटौंडा व धुलिखेल अस्पताल लाःगु दु । गण्डकी प्रदेशया पोखरा स्वास्थ्य विज्ञान प्रतिष्ठान, बाग्लुङ व गोरखा अस्पताल, लुम्बिनी प्रदेशया लुम्बिनी प्रादेशिक अस्पताल, राप्ति स्वास्थ्य विज्ञान प्रतिष्ठान व भेरी अस्पताल, कर्णाली प्रदेशया कर्णाली स्वास्थ्य विज्ञान प्रतिष्ठान, सुर्खेत अस्पताल व जाजरकोट अस्पताल अथेहे सुदूरपश्चिमया सेती, महाकाली व डडेलधुरा अस्पतालय् २५ अक्सिजन बेड थप यायेत्यंगु दु ।

Share on Google Plus

News: Anonymous

    छ्याता
    फेसबुक छ्याता

0 Comments:

Post a Comment