कोरोना भाइरसं संक्रमित जूम्ह अमेरिकी राष्ट्रपति डोनाल्ड ट्रम्प पाखें आः सुयातं संक्रमण मजुइगु ह्वाइट हाउसया डाक्टरं न्ह्यथंगु दु । डा. शन कन्लीं बिहीबाः थुखे न्हापांगु खुसि ट्रम्पया स्वास्थ्य अवस्थाबारे जानकारी ब्यूगु खः । वयेकःया कथं आः ट्रम्पपाखें संक्रमण जुइगु सम्भावना मन्त ।
थ्व न्ह्यः हे ट्रम्पं शनिबाः ह्वाइट हाउसय् सार्वजनिक ज्याझ्वः याना थः समर्थकयात सम्बोधन याःगु खः । ट्रम्प संक्रमण मुक्त मजूनिगुलिं संक्रमण मेपिंत सरेजुइगु न्ह्यसः वयाच्वंगु खः। तर डाक्टरं ब्यूगु लिपांगु जानकारी कथं ट्रम्पय् सक्रिय रुपं भाइरस बिस्तार जूगु प्रमाण मलूगु व भाइरल लोड म्हाे जुयाच्वंगुलिं संक्रमण मेपिंत मजुइगु न्ह्यथंगु खः । तर डाक्टरं ब्यूगु जानकारीइ ट्रम्पया लिपांगु परीक्षणय् रिपोर्ट नेगेटिभ वःगु धैगु उल्लेख धाःसा मदु ।
0 Comments:
Post a Comment