बुटवलय् छम्ह कोरोना संक्रमित मिजँ अस्पतालय् बेड मदया सित ।
गम्भीर अवस्थाय् अस्पताल यंकुम्हसित बेड मदया उपचार यायेमखंगु थःथितिया धापु दु ।
बुटवल उपमहानगरपालिका वडा नम्बर ८ या उम्ह मिजँ शनिबाः प्रादेशिक अस्पताल व कोभिड विशेष अस्पताल यंकुगु खः ।
तर निगुलिं अस्पतालय् बेड मदु धासेंलि मृत्यु जूगु थःथितिं न्ह्यथंगु दु ।
लुम्बिनी प्रादेशिक अस्पतालया सूचना अधिकारी डा. विष्णु गौतमं आइसियू कक्ष भरिभराउ जूगुलिं न्हूपिं संक्रमितया उपचारय् समस्या जूगु न्ह्यथनादिल ।
थःथितिया कथं बेड खाली जुइगु आशाय् अस्पतालय् तयातःगु इलय् मृत्यु जूगु खः ।
0 Comments:
Post a Comment