नेपाल प्रहरीइ न्याद्व जवानया नितिं जागिर चाल


प्रहरी प्रधान ज्याकुथिं न्याद्व अप्व न्हूगु प्रहरी भर्ना यायेत्यंगु दु ।  प्रहरी जवान पदया नितिं विज्ञापन पिकाया ज्याकुथिं खुला धेंधेंबल्ला पाखें समावेशी प्रावधानकथं न्याद्व निस व २७ म्ह न्हूपिं प्रहरी भर्ना कायेत्यंगु खः ।  

खुलापाखें निद्व च्यास व १७ गु कोटा दु। मेगु समावेशीपाखे दु । समावेशीपाखे दकलय् अप्व कोटा आदिवासी जनजातिया नितिं न्हेस व ३७ गु कोटा दु। मिसा प्यस व ४१ गु दु।  

कात्तिक १६ गतेनिसें मंसिर २३ दुने इच्छुकं फारम जायेका प्रहरी प्रधान ज्याकुथिइ छ्वयेमाःगु थाैं गोरखापत्रय् सुचं पिकाःगु दु । ७७ गु जिल्ला प्रहरी ज्याकुथिं दरखास्त बीफइ । दरखास्त फारमया सछि व ५० तका दस्तुर तयातःगु दु ।  च्यागु तगिं पास यापिंसं फारम जायेकेदइ । न्यागु फिट निगु इन्च, ५० केजी दुपिं मिजँ व न्यागु फिट व ४२ केजी स्वयाँ अप्व दुपिं मिसातयेसँ फारम जायेकेफइ ।  १८ दँ पुवना २३ दँ पुमवंपिंसं जक फारम जायेकेत प्रहरी प्रधान ज्याकुथिंया सुचनय् दु ।

Share on Google Plus

News: Anonymous

    छ्याता
    फेसबुक छ्याता

0 Comments:

Post a Comment