मंगल ग्रह पृथ्वीया दकलय् अप्व सतिक वःगु दु । सन २००३ थुखे न्हापांगु खुसि मंगल ग्रह थुलि सतीगु खः । आः १५ दँ लिपा जक मंगलग्रह पृथ्वीया आः थें सतिक वैगु वैज्ञानिकतयेसं न्ह्यथंगु दु ।
अक्टोबर न्यंकं मंगलग्रह पृथ्वीं स्पष्ट खनेदइ। बहनी पूर्वं खनिगु मंगल ग्रह सुथः पश्चिमय् खनेदइ । बहनी ह्याउँगु नगु कथं खनेदयाच्वंगु मंगल ग्रह खः । थ्व ह्याउँ नगु न्ह्याबलें स्पष्ट पृथ्वीं खनेदैमखु ।
मंगल ग्रह थाैं मंगलबाः बहनी ८ बजे जुया ३ मिनेट वंगु इलय् पृथ्वी नाप दकलय् अप्व सतिइ। उगु इलय् मंगल ग्रह पृथ्वीस्वयाँ ३८,५८६,८१६ माइल जक तापाइ । थ्व धुंका सन् २०३५ तक मंगल ग्रह पृथ्वीनाप थुलि सतिइ मखु। सन् २००३ य् मंगल ग्रह पृथ्वीया दकलय् सतीगु खः । उगु इलय् मंगल ग्रह व पृथ्वी दथुइ ३४.६५ मिलियन माइल जक तापाःगु खः ।
वैगु वा पृथ्वी मंगल ग्रह व सुर्द्यःया दथुइ वै । मार्स अपोजिसन धैगु थ्व अवस्था अक्टोबर १३ य् जुइ ।
0 Comments:
Post a Comment