आराध्यालक्ष्मीं धाःथें धाःथें प्याखँ ल्हुत रुपेन्द्र थक्वामि


मिजँया कमजाेरी हे मिसा धाइ । मिजँयात मिसा‌ं पति‌ंचाय् प्याखँ ल्हुकेफु । नेपालभाषाया थाैकन्हेया बहुप्रतिभाशाली नायिका आराध्यालक्ष्मी खड्गी थाैंकन्हे नेपालभाषाया नायकपिंत थःगु इसाराय् प्याखँ ल्हुकाच्व‌ंगु दु । गुकथं ? नायिकापाखें निर्देशकया भुमिका कघानाच्वंम्ह खड्गी निर्देशित नेपालभाषाया म्येया नितिं नेपालभाषा म्यूजिक भिडियाे राज यानाच्वंम्ह नायक रुपेन्द्र श्रेष्ठ थक्वामियात थःम्ह धाःथें प्याखँ ल्हुका थः नं प्याखँ ल्हुयाच्वंगु दु । नेपालभाषा ख्यः नापं नेपाली ख्यलय् तकं व्यस्त आराध्यां थ्यंमथ्यं दर्जन म्यूजिक भिडियाे निर्देशन नापं कलाकारिता याना थाैंकन्हेया सक्रिय कलाकार मथं म्हसिका बियाच्वनादीगु दु । 


नेपालभाषा कभर म्ये हाला नांजाःपिं म्ये हालामि रविन्सन कंसाकार व सुमन मानन्धरया राेमान्टिक म्येय् खड्गी व श्रेष्ठ जमाना मभिंगु खँया बयान यानाच्वंगु दु । म्यूजिक भिडियोया छायाँकन व सम्पादन क्वचाःगु जमाना मभिं स्व बाेलया नेपालभाषा म्येया कभर फाेटाे थाैं प्रकाशन जूगु दु । याकनं हे म्यूजिक भिडियाे रिलिज यायेगु निर्माण पुचलं न्हयथंगु दु ।


गायक तथा ससञ्चारकर्मी सुरजबीर बज्राचार्यया खँग्व, जुगल डंगोलया स‌ंगीत व संयाेजन दूगु थूगु म्येय् कमेडी दृश्य तकं दूगु निर्देशक नापं काेरियाेग्राफर व भिडियाे कन्सेप्ट तकं यानादीम्ह खड्गीं न्ह्यथनादिल । म्येय् चिरीबाबु महर्जन, रमेश पौडेल, राजकुमारी श्रेष्ठ नापंया कलाकारया कलाकारिता स्वय् दइ । नेपाःया तसकं बांबांलाःगु थाय् यात कैद याना र‌ंगीन भिडियाे देकेत माहिर सोहन मानन्धरं थुकि छायाँकन व सम्पादन यानादीगु दु। ड्रोन सिन धाःसा शनि शाक्यं काःगु दु । राजेश मानन्धरया फोटोग्राफी व पूजा शाही व निरु महर्जनया श्रृंगार दु ।

म्येया प्राेमाे व म्ये रिलिज याकनं जुइगु निर्माण पक्षं न्ह्यथंगु दु ।








Share on Google Plus

News: Newa News

    छ्याता
    फेसबुक छ्याता