थाैं हलिं ल्हाः सिलेगु दिं नेपालय् नं न्यायेकाच्वंगु दु । नेपालय् सन् २००८ अक्टोबर १५ निसें हलिं ल्हाः सिलेगु दिं न्यायेका वयाच्वंगु दु । थूगु दँ ‘ल्हाःया सरसफाइ फुकसिया लागि, साबुँ लः ल्हा, न्ह्याब्लें नापनापं’ धैगु नारा नापं दिवस न्यायेकाच्वंगु दु ।
थ्व दथुइ राष्ट्रपति विद्यादेवी भण्डारीं कोभिड–१९ या विस्तार व संक्रमण पनेत ल्हाः सफा जुइमा धका हसना नागरिकतक थ्यंके हे माःगु न्ह्यथनादिल । भिंतुना हसना ब्यूसें राष्ट्रपति भण्डारीं कोभिड–१९ पाखें थः नं बचे जुइगु व मेपिंत नं बचेयायेत ल्हाःया स्वच्छतासम्बन्धी अल्पकालीन, मध्यकालीन व दीर्घकालीन रणनीतिक मार्गचित्र देका स्वंगुलिं तहया सरकारं समन्वयात्मक ज्या यायेमाःगु न्ह्यथनादिल ।
साबुँलखं २० सेकेण्डतक ल्हाः सिला श्वासप्रश्वासजन्य नापं निमोनिया संक्रमण व झाडापखाला ल्वय् म्हाे यायेफइगु व इबोला, हेपाटाइटिस, सार्स थें जाःगु जीवाणु पाखें जुइगु ल्वचं बचे जुइफइगु तथ्य अध्ययनं क्यंगु राष्ट्रपतिया भिंतुना हसनाय् न्ह्यथनातःगु दु ।
0 Comments:
Post a Comment