चान्हय् जुल सहमति, जुस त्वना डा. केसीं अनशन क्वचायेकल

आइतबाः पत्रकार सम्मेलनय् जुस त्वना अनशन क्वचायेकाच्वम्ह डा गाेविन्द केसी

डा. गोविन्द केसीं १९ क्वःगु सत्याग्रह क्वचायेकादिल । आइतबाः सुथः ग्वसाःग्वःगु पत्रकार सम्मेलनय् डा. केसीं जुस त्वना २७ न्हुया अनशन क्वचायेकादिल। 

चिकित्सा शिक्षाय् सुधारया माग तया अनशनरत डा. केसी व सरकारदथुइ शनिबाः चान्हय् च्यागु धलःया सहमति जुइनापं अनशन क्वचायेकुगु खः। डा. केसीं १९ क्वःगु सत्याग्रह जुम्लां न्ह्याकादिल । स्वास्थ्यय् समस्या खनेदःसेंलि वयेकःयात नेपालगञ्ज जुया येँय् हःगु खः । 

शनिबाः चान्हय् सहमति जुइधुंका ल्हाः चिं तयाच्वम्ह डा केसी

डा. केसी व सरकारदथुइ कर्णाली स्वास्थ्य विज्ञान प्रतिष्ठान, जुम्लाय् माःगु फुक्क भौतिक पूर्वाधार नापं जनशक्तिया प्रबन्ध याना वैगु शैक्षिक सत्रनिसें एमबिबिएस नापंया शैक्षिक ज्याझ्वः न्ह्याकेगु, पिसिआर परीक्षण अप्वयेकेगु व कोभिड–१९ नापं मेमेगु ल्वय्या उपचारया नितिं सरकारी अस्पतालया क्षमता बिस्तार यायेगु, अछामया बयलपाटा अस्पतालय् निःशुल्क स्वास्थ्य सेवा बीत बजेट व्यवस्था यायेगु सहमति जूगु दु । अथेहे विश्वविद्यालय व प्रतिष्ठानय् पदाधिकारी नियुक्तिया नितिं प्रस्तावित उच्च शिक्षासम्बन्धी विधेयक व एकीकृत स्वास्थ्य प्रतिष्ठानसम्बन्धी विधेयकया स्ववा  दुने छ्याता नापंया मस्यौदा तयार यायेगु, कानुनी व्यवस्था मजूतले वरिष्ठता व कार्यक्षमताया आधारय् पदाधिकारी नियुक्त यायेगु नापं राष्ट्रिय चिकित्सा ऐन संशोधन यायेत देकातःगु कार्यदलया क्षेत्राधिकारदुने सरकार व डा. केसीदथुइ १० साउन २०७५ य् जूगु सम्झौता कथं छुट जूगु विषययात तकं तयेगु, स्नातकोत्तर तहया सिट विभाजनय् चिकित्सा शिक्षा आयोगया परामर्शय् पुनरावलोकन यायेगु सहमति जूगु दु । फुक्क सहमति कार्यान्वयन यायेगु सहमति नं सरकार व डा. केसीदथुइ जूगु दु ।

Share on Google Plus

News: Anonymous

    छ्याता
    फेसबुक छ्याता

0 Comments:

Post a Comment