जागरुक युवा समाजं हिदान ज्याझ्वःयात निरन्तरता बीगु झ्वलय् येँया बसन्तपुरया महादेव पार्वती डबली हिदान याःगु दु ।
ब्लड डोनर्स एशोसिएन नेपाल (ब्लोदान) या आव्हानय् समाजं येँ महानगरपालिका २४ वडानाप मंका ग्वसाग्वया न्याक्वःगु हिदान याःगु खः ।
कोविड १९ महामारीया इलय् हि म्हाे जूगुलिं समाजं साप्ताहिक हिदान यानावयाच्वंगु दु ।
समाजया सह सचिव राजीव श्रेष्ठया संयोजनय् जूगु हिदान ज्याझ्वलय् २० म्ह हिदातापिंसं ब्वति काःगु खः ।
ज्याझ्वलय् केन्द्रिय रक्तसञ्चार केन्द्रया निर्देशक डा.मनिता राजकर्निकार, ब्लोदानया केन्द्रीय दाँभरी मचाकाजी महर्जन, २४ वडाया वडासदस्य नापं ब्लोदानया केन्द्रिय दुज व समाजया सल्लाहकार बिनोद तुलाधर नापंया ब्वति दूगु खः ।
बिकाश
0 Comments:
Post a Comment