भारतीय गुप्तचर प्रमुखनाप प्रधानमन्त्री ओलीं नापलात


प्रधानमन्त्री केपी शर्मा ओली व भारतीय गुप्तचर संस्था रिसर्च एण्ड एनालाइसिस विङ (रअ) या प्रमुख सामन्तकुमार गोयलदथुइ नापलायेज्या जूगु दु ।


प्रधानमन्त्रीया प्रेस सल्लाहकार सूर्य थापां बिहीबाः बक्तव्य जारी याना रअ प्रमुखनाप नापलायेज्या जूगु न्ह्यथनादिल । बुधबार बहनी प्रधानमन्त्रीया सरकारी निवास बालुवाटारय् रअ प्रमुखं नापलायेज्या याःगु खः ।

गोलयं नेपाः व भारतदथुया मैत्री सम्बन्ध स्यंकेमबीत, समस्याया वार्तापाखें समाधान यायेत व पारस्परिक ग्वाहालियात निरन्तर न्ह्याकेगु बिषयलय् थःगु धारणा तःगु प्रधानमन्त्रीया प्रेस सल्लाहकार थापाया न्ह्यथना दु ।

रअया प्रमुख गोयल नेतृत्वया ९ म्ह दुजया पुच बुधबाः कूटनीतिक उडानं नेपाः वःगु खः ।

उखे पुर्व प्रधानमन्त्रीपिं नेपाली काँग्रेसया सभापति शेरबहादुर देउवा, नेकपा अध्यक्ष प्रचण्ड र वरिष्ठ नेता माधवकुमार नेपालं थःपिंसं रअ प्रमुख गोयल नापमलानागु स्पष्टिकरण ब्यूगु दु ।


Share on Google Plus

News: Newa News

    छ्याता
    फेसबुक छ्याता