डब्लुएचओकथं हलिमय् ८० कराेड मनुयात कोरोना जुइधुंकुगु जुइफु


हलिंया १० प्रतिशत मनु कोरोना भाइरसं संक्रमित जुइधुंकुगु जुइफुगु विश्व स्वास्थ्य संगठन (डब्लुएचओं) न्ह्यथंगु दु।  डब्लुएचओया नेतातय् विशेष मुँज्याय् हलिंया १० म्हय् छम्हसित कोरोना भाइरस संक्रमण जूगु जुइफुगु न्ह्यथंगु खः ।  

संक्रमितया अनुमानित ल्याःया अर्थ हलिंया बहुल लागा अझ न जोखिमय् दूगु धैगु उच्च अधिकारीया न्ह्यथना खः ।  डब्लुएचओया कथं हलिंन्यंकं स्वंगु करोड ५४ लख स्वयाँ अप्वः मनु संक्रमित जूगु दु । तर संक्रमितया धाथेंया ल्याः ८० करोड स्वयाँ अप्वः दूगु डब्लुएचओया अनुमान दु ।  

विज्ञतयेसं थ्व न्ह्यः हे लगातार वास्तविक संक्रमितया ल्याः पुष्टि जूगु स्वयाँ यक्व दूगु न्ह्यथना वयाच्वंगु दु । महामारी नियन्त्रणया लागि विश्वव्यापी रुपं जुयाच्वंगु कुतःया बारे सहलह यायेत स्वीट्जरल्याण्डया जेनेभाय् डब्लुएचओया विशेष मुँज्या च्वंगु खः । 

महामारीया १० ला जुइधुंका नं नियन्त्रणय् वैगु वा कमजोर जुइगु छुँ नं संकेत खने मदुनि । यक्व देसय् महामारीया निगुगु लहर तकं खनेदयाच्वंगु दु ।

Share on Google Plus

News: Newa News

    छ्याता
    फेसबुक छ्याता