मत वंसा प्राधिकरण वा उर्जा मन्त्रालययात जानकारी यायेत इनाप


नेपाल विद्युत् प्राधिकरणं कुलमान घिसिङ वनेधुंका आः हाकनं लोडसेडिङ जुइगु च्यूता दु। थ्व हे दथुइ छु दिं थुखे मत सीगु जुयावःगु दु । 

ऊर्जा, जलश्रोत तथा सिंचाइ मन्त्रालयं पूर्वजानकारी मदयेकं थःगु लागाय् मत वंसा तुरुन्त मन्त्रालय वा प्राधिकरणय् जानकारी यायेत इनाप याःगु दु। देया छुँ नं थासय् लोडसेडिङ मदुगुलिं विनाकारण मत वंसा जिम्मेवारी ऊर्जा मन्त्रालयं काइगु मन्त्री वर्षमान पुनया सचिलायं न्ह्यथंगु दु। 

सडक विस्तारया नितिं पोल चीका, ट्रान्समिटर वा तार च्याना, मर्मत यायेमाःगु अवस्थाय् मत वंसा स्वभाविक जुइगु तर कारण मदयेकं मत वंसा आपत्ति जनक जुइगु ऊर्जा मन्त्रालयया धापु दु। छुं थासय् प्राधिकरणया कर्मचारीं हे आपूर्ति विना कारण बन्द याःगु जानकारी वःगुलिं कडा कारबाही यायेगु चेतावनी नं ऊर्जा मन्त्रालय नं ब्यूगु दु ।

Share on Google Plus

News: Newa News

    छ्याता
    फेसबुक छ्याता