स्वनिगलय् पसः चाल, छु छु चायेके मदु ?



स्वनिगलय् प्रशासनं बार कथं पसः चायेकेगु व्यवस्था चीकुगु दु । बिहिबाः असाेज १ गते निसें व्यवस्था चीकुगु येँया प्रमुख जिल्ला अधिकारी जनकराज दाहालं सुचं पिकाना न्ह्यथंगु दु ।

थ्व न्ह्यः २४ भदौया निषेधाज्ञा कथं स्वनिगलय् बार कथं व्यापार व व्यवसाय सञ्चालन यायेत ब्यूगु खः ।

जोरबिजोर प्रणाली धाःसा यथावत हे तयातःगु दु । 

न्हूगु निषेधाज्ञा कथं खुला थासय् भिडभाड याये दैमखु । अथेहे सभा, जुलुस, जात्रा, महोत्सव, भ्वय् याय् दैमखु । 

देगः, मस्जिद, चर्च नापंया धार्मिक व सांस्कृतिक स्थलय् नित्य पुजा जक यायेदइ । 

उद्योग, व्यवसाय स्वास्थ्य मापदण्ड कायम याना न्ह्याके दइ । नखःचखः धार्मिक, सामाजिक व सांस्कृतिक ज्या याय् दैमखु । अथेहे शैक्षिक संस्था सञ्चालन यायेदइ मखु ।

फुक्क कथंया सेमिनार गोष्ठी, तालिम, सिनेमा हल, पार्टी प्यालेस, शैलुन, स्पा, स्मिमिङ पुल, जिमखानायात पूर्ण रुपं निषेध यानातःगु दु ।




Share on Google Plus

News: Newa News

    छ्याता
    फेसबुक छ्याता