सीधुंकुपिनिगु कोरोना परीक्षण मजुइगु, थः थिति १४ न्हू क्वारान्टिनय् च्वनेमाःगु


सुं नं सितकि छु जुया सित धका न्यनेगु चलन दु । कारण सीकेत पाेष्ट मर्टम तकं याइ । थ्व हे कारणं सित धका यकिन यायेधुंका जक अन्तिम संस्कार यायेगु चलन झी थाय् दूगु खः । तर आ अथे मजुइगु जूगु दु । स्वास्थ्य तथा जनसंख्या मन्त्रालयं सीधुंकुपिनिगु कोरोना परीक्षण मयायेत उजँ ब्यूगु दु । थ्व नापं कारण न्ह्यागु क्यंसां काेराेना क्यनि मखुत ।

मन्त्रालयया इन्सिडेन्ट कमाण्ड सिस्टमया मुँज्यां शंकास्पद मनु सीधुंका कोरोना परीक्षण मयायेत न्ह्यथंगु दु । तर शव व्यवस्थापन यायेगु इलय् फुक्क सावधानी यायेगु व सम्पर्कय् वःपिंत १४ न्हु क्वारेन्टिनय् तयेमाःगु धाःगु दु ।

कोरोनानाप ज्वःलाःगु लक्षण ज्वना अस्पताल थ्यंगु वा छेँ सीपिनि स्वाब संकलन याना परीक्षण यानावयाच्वःगु खः । थुकथं परीक्षण याना कोभिड–१९ संक्रमण पुष्टि जूगु यक्व हे केस दु । 

तर आः सरकारं सीधुंकुपिनिगु पीसीआर टेष्ट मयायेगु न्ह्यथंगु दु ।

Share on Google Plus

News: Newa News

    छ्याता
    फेसबुक छ्याता