पूर्वप्रधानन्यायाधीश अनिरुद्धप्रसाद सिंह मदुगुलिं देन्यंकंया अदालत बन्द


सर्वोच्च अदालतं पूर्वप्रधानन्यायाधीश अनिरुद्धप्रसाद सिंह मदुगुलिं बिहीबाः छन्हु देन्यंकं अदालतय् बिदा ब्यूगु दु । सर्वोच्च अदालतया बुधबाः च्वंगु आकस्मिक पूर्ण बैठकं सिंह मदुगुलिं दुःख व्यक्त यासें सर्वोच्च अदालतनापं देन्यंकंया अदालतय् बिहीबाः शोक बिदा बीगु निर्णय याःगु खः ।

सप्तरी जिल्लाय् १९७६ सालय् बूम्ह सिंहं २०१३ साल जेठ ८ गते प्रधानन्यायाधीश नियुक्त जुया २०१६ असार १५ गतेतक ज्या यानादीगु खः । विसं २००३ निसें सरकारी सेवाय् बडाहाकिम पदं सिंहं सेवा न्ह्याकुगु खः ।

सिंह न्हापाम्ह मधेशी प्रधानन्यायाधीश खः नापं नेपालय् दकलय् म्हाे वैशय् जूम्ह मनु खः । वयेकः सर्वोच्च अदालतया निम्हम्ह प्रधान न्यायाधीस खः ।

वयेकः नेपाःया पूर्वमन्त्री नं खः । टंङ्कप्रसाद आचार्यया मन्त्रीमण्डलय् कानुन तथा संसदीय प्रबन्ध मन्त्री जुयादीगु खः। वयेकः अख्तियार दुरुपयोग अनुसन्धान आयोगया न्हापाम्ह आयुक्त नं खः। नापं लोक सेवा आयोगया न्हापाम्ह नायः जुयादी । 

Share on Google Plus

News: Newa News

    छ्याता
    फेसबुक छ्याता