बुंगद्यःया खः कंसं भदौ २१ गते सालेत्यंगु दु । बुंगद्यःया क्षमा पूजा शुक्रबाः क्वचाल । शुक्रबार ८ म्ह गुरुजुया ब्वतिइ क्षमा पूजा जूगु यज्ञरत्न शाक्यं न्ह्यथनादिल । बुंगया भैलःद्यःया क्षमा पूजा धुंका पूच्वय् बुंगद्यःया पुजा जूगु खः ।
कोरोना भाइरस महामारीं थूगु दँ सरकारं फुक्क जात्रा स्थगित याःगु खः । तर यलया मू जात्रा बुंगद्यःया खः बिहीबार छक्वलं साला यंकुगु खः । अव्यवस्थित हुलं द्यःखः साःसेंलिं प्रहरीं नियन्त्रणय् कायेत स्वःगु इलय् झडप जूगु खः ।
थ्व झ्वलय् स्थानिय, प्रहरी व पत्रकारतकं घाःपा जूगु खः । जात्राया बारे गुठी संस्थान, ज्यापु समाज, स्थानीय प्रशासन व थीथी जातिय पुचःदथुइ सहलह जुयाच्वंगु इलय् छथ्व हुल्याहातयेसं खः साःगु खः । खः सालेत यायेमाःगु धार्मिक वा साँस्कृतिक छुं नं प्रकृया मयाःसे खःयात बलजफतं साःगु खः । स्थिति नियन्त्रणय् कायेत ज्यापु समाज यलं ५०१ म्ह स्वयंसेवय खतेयाःगु खः ।
थौं यलय् बहनी १० ता इलय् तक कर्फ्यू तयातःगु दु ।
0 Comments:
Post a Comment