किपुलिइ खाद्य सतक


किपु नगरपालिकां आ.व.२०७७÷०७८ य् पारित नीति व ज्याझ्वःयात कार्यान्वयनय् यंकुगु दु । नगरयात हरित सतक व खाद्य सतकया अवधारणा हःगु दु । नेपालय् थ्व कथंया अवधारणा हःगु न्हापांगु नगरपालिका किपु  नगरपालिका जूगु दु । वडा नं. ४ ज ९ या फय्खा नगरया लँपुइ वृक्षारोपण याना खाद्य सडक देकेगु ज्या जुल ।



मेयर रमेश महर्जनं तेबुया स्वाँमा पिया शुभारम्भ यानादिल । नापं नगर उप–प्रमुख सरस्वती खड्का, वडा नं. ४ या अध्यक्ष राजेन्द्र बानियाँ, ९ या अध्यक्ष गंगाराम महर्जन, १० या अध्यक्ष अमन महर्जन नापं वडा दुजःपिं व स्थानीयबासीतयेसं वृक्षारोपण याःगु खः । तेजपात व तकुया १५० गु स्वाँमा उगु थासय् प्यूगु खः । उगु स्वाँमा राष्ट्रिय वनस्पति उद्यान गोदावरीं ब्यूगु खः ।

राष्ट्रिय वनस्पति उद्यान, गोदावरीया प्रमुख दिपक लामिछानें नगरयात खाद्य सतक देकेगु न्हूगु बिचाः हःगुलिं किपु नगरपालिकायात सुभाय् देछानादिल । थज्याःगु स्वाँमा अत्यन्त महत्वपूर्ण जूगु व विदेश निर्यात यायेज्यूगु उत्कृष्ट ५ गु थासय् लाःगुलिं स्याहार यायेत इनाप यानादिल । ज्याझ्वलय् उप–प्रमुख खड्कां नगरपालिकां ज्याझ्वःया बारे ध्वाथुइकादीगु खः ।
Share on Google Plus

News: Anonymous

    छ्याता
    फेसबुक छ्याता

0 Comments:

Post a Comment