बागमती प्रदेश सांसद डा. अजय क्रान्ति शाक्यया पहलय् कलात्मक शैलीया फल्चा पुनः निर्माण


मोहनीया पञ्चमी कुन्हु न्यायेकीगु पचली भैरव जात्रा यायेमाःगु ऐतिहासिक ब्रम्हत्वालय् मौलिक कलात्मक शैलीया श्वेत भैरब फल्चा पुनः निर्माण क्वचाःगु दु । १२ दँया पचली भैरव जात्राया लागि तकं लोकंह्वाःगु थूगु थाय् बागमती प्रदेका सांसद डा. अजय क्रान्ति शाक्यया पहलय् प्रदेश सरकारया स्थानीय पूर्वाधार विकास साझेदारी ज्याझ्वः अन्तर्गत पुनःनिर्माण जूगु खः । 


शाक्य येँ निर्वाचन क्षेत्र नं ९ (१) पाखें निर्वाचित सांसद खः । थःगु निर्वाचन लागाय्, ऐतिहासिक, साँस्कृतिक व पुरात्वतिक महत्वया सम्पदाया संरक्षण यायेगु अभियान कथं फल्चा पुनः निर्माण यानागु शाक्यं न्ह्यथनादिल । 

पुरात्वात्तिव सम्पदां जाःगु येँय् दूगु कला, संस्कृति, मुर्त–अमूर्त सम्पदाया संरक्षण यायेत थुकिं हसना बीगु वयेकलं न्ह्यथनादिल । संघ, प्रदेश व स्थानीय सरकारं हातेमालो याना  सम्पदा संरक्षणया निति समन्वय याना न्ह्याः वनेगु वयकलं न्ह्यथनादिल । वयेकलं थ्व ज्या यात अभियान कथं निरन्तरता बीगु तकं न्ह्यथनादिल । कामपा–१२ वडा अध्यक्ष विकास डंगोलं थूगु फल्चाया पचली भैरव नाप तःधंगु स्वापु दूगुलिं थ्व ऐतिहासिक सम्पदाया पुननिर्माण यायेमाःगु न्ह्यथनादिल ।

Share on Google Plus

News: Newa News

    छ्याता
    फेसबुक छ्याता