स्वनिगः सिल जूगु खः ला?


कोरोनाभाइरस संक्रमन स्वनिगलय् अल्याख रुपं अप्वःगु दु । लकडाउन क्वचायेधुंका म्वःम्वः मनुत थन दुहाँ वःगुलिं संक्रमितया ल्याः अप्वःगु खः । थ्व झ्वलय् स्वनिगःवासि नापं उपत्यका फोरमं तकं स्वनिगः दुहाँ वयेगु नाका बन्द यायेत सरकारयात इनाप यानाच्वंगु दु ।

थ्व झ्वलय् म्हिगः गृह मन्त्रालयया निर्देशनय् येँ जिल्ला प्रशासन ज्याकुथिं स्वनिगलं पिहाँ वनिगु व दुहाँ वैगु सवारी पास मेगु व्यवस्था मजूतले पूर्ण रूपं बन्द याःगु दु ।

थ्व धैगु स्वनिगःया नाका सिल याःगु खः । तर थ्व सर्वसाधारणया नितिं बीगु पासया खँ जक खः । थ्व उजँ गुलि कार्यान्वयन जुइ व ला स्वय् हे मानि । 

गृह मन्त्रालयं साउन २८ गते पास वितरण बन्द यायेत ७७ गु जिल्ला प्रशासनयात उजँ ब्यूगु खः ।

अत्यावश्यक सामानया सवारी साधन व एम्बुलेन्सयात धाःसा थ्व लागु जुइमखु ।


Share on Google Plus

News: Newa News

    छ्याता
    फेसबुक छ्याता