उपत्यका फोरमया इनाप कथं सीसीएमसीया सिफारिस सरकारयात


कोभिड १९ संकट व्यवस्थापन सेन्टर (सीसीएमसीं) २०० स्वयाँ अप्व सक्रिय संक्रमित दूगु जिल्लां स्वनिगः वय् मदैगु कथं सरकारयात सिफारिस याःगु दु ।

सीसीएमसीया आइतबाःया मुँज्यां स्वनिगः दुहाँ वयेगुलिइ कडाइ यायेत सिफारिस याःगु खः । लिपांगु दिं स्वनिगलय् पिनेया जिल्लां वंपिंके कोरोना संक्रमण खनेदुगुलिं उपत्यका फोरमया नायः येँ महानगरपालिका मेयर विद्यासुन्दर शाक्य व छ्याञ्जे ठिमि नगरपालिका मेयर मदनसुन्दर श्रेष्ठं सीसीएमसीया संयोजक उपप्रधानमन्त्री नापं रक्षा मन्त्री ईश्वर पोखरेल नापलाना स्वनिगः दुहाँ वैपिंत कडाइ यायेत इनाप याःगु खः ।

अथेहे सीसीएमसीं फोरमया इनाप कथं हे फुटपाथ, ठेलागाडा व साइकलय् तरकारी, फलफूल, खाद्यान्न नापंया ब्यापार पूर्ण रुपं बन्द यायेत सिफारिस याःगु दु ।

थ्व बारे सोमबाः च्वनिगु मन्त्रिपरिषद् बैठकं निर्णय यायेत्यंगु दु ।

Share on Google Plus

News: Newa News

    छ्याता
    फेसबुक छ्याता