थौं देन्यंकं भगवान् श्रीकृष्णया जन्म जूगु दिं कथं पूजा–आराधना याना न्यायेकाच्वंगु दु । द्वापर युगय भाद्रकृष्ण अष्टमीया चान्हय् बूगुलिं थौंया दिं ‘श्रीकृष्ण जन्माष्टमी’ व चा ‘मोहरात्री’ कथं न्यायेकि ।
तर तःधंगु मेला जुइगु यलया कृष्ण देगः धाःसा मंगलबाः बन्द याःगु दु । कोभिड–१९ महामारी व्यापक जुयाच्वंगुलिं स्थानीय जनप्रतिनिधि, पुजारी, मंगं त्वाः सुधार संघ, प्रमुख जिल्ला अधिकारीनापं सरोकारवालाया मुँज्यां बन्द यायेगु निर्णय याःगु यल महानगरपालिका–१६ या वडाध्यक्ष निर्मलरत्न शाक्यं न्ह्यथनादिल । पाटन दरबार लागाय् दूगु कृष्ण देगलय् जन्माष्टमीया लसताय् राष्ट्रप्रमुखं पूजा अर्चना यायेमाःगु प्रचलनतकं दु ।
कंशया अत्याचारं मानव जातियात मुक्ति ब्यूगु धार्मिक विश्वास दु । विशेष गरी मिस्तयेसं ‘व्रत’ च्वना चछि जाग्राम च्वनेगु व कृष्णया आराधना याइ । देन्यंकंया कृष्ण देगलय् खासै रौनक मदु ।
0 Comments:
Post a Comment