कोभिड महामारीया दथुइ किपु नगरपालिका मेयर रमेश महर्जनपाखें विकास निर्माणया निरिक्षण

किपु नगरपालिकाका प्रमुख रमेश महर्जनं नगरया विकास निर्माणया ज्याया निरीक्षण यानादीगु दु । वडा नंं ७ य् सञ्चालन जुयाच्वंगु योजनाया जानकारी काःसें आवश्यकताकथं न्हूगु योजना देकेगु न्ह्यथनादिल ।

प्रमुख महर्जनं भाजंगलय् स्थापना जूगु भगवान गौतम बुद्धया प्रतिमा नापं अबलोकन यानादीगु खः । थुकिया नितिं वडां ५ गु लख तका ग्वाहालि जूगु खःसा मुर्तिया क्वय् कोठा नं पिकायेत्यंगु वडा अध्यक्ष राजकुमार मालीं न्ह्यथनादिल । मेयर महर्जनं भाजंगाया दाहसंस्कार गुथिया अबलोकन यानाः विष्णुदेवी देगः, यरवःचा जुया स्टील ट्यांकीतकया लँ तब्या यायेगु, धः दयेकेगु व सतक पेटी देकेगु ज्याया अबलोकन यानादिल ।

थुगु वडाया उज्ज्वल स्कूलनिसें ११ मिटर चौडाइया दहन वनेगु लँपुया योजना सञ्चालन जुयाच्वंगु दुसा लँपुइ रिटेलिङ्क वाल (पःखा) देकाच्वंगु दु ।

निरीक्षण भ्रमणय् किपु नगरपालिका वडा नंं १ या अध्यक्ष हर्ष महर्जन, वडा नंं ७ या अध्यक्ष राजकुमार माली, वडा नं. ७ या दुजःपिं राजकुमार महर्जन, प्रकाश महर्जन नापं स्थानीयया ब्वति दूगु खः ।


Share on Google Plus

News: Anonymous

    छ्याता
    फेसबुक छ्याता

0 Comments:

Post a Comment