भारतय् कोरोना भाइरस (कोभिड १९) पाखें दकलय् अप्व मनु प्रभावित जूगु दु । २४ घौ दुने भारतय् ७५ द्व ९९५ मनु कोरोना पोजिटिभ पुष्टि जूगु दु ।
अथेहे सीपिनि ल्याः नं ६० द्व ६२९ थ्यंगु दु । २४ घौ दुने जक भारतय् द्वछि व १७म्ह मनु कोरोनां मन्त ।
तच्वकं प्रभावित जुयाच्वंगु भारतय् कोरोना भाइरसं ३३ गु लख ७ द्व व ७४९ मनु आः तक संक्रमित जुइधुंकल ।
भारत लिपा ब्राजिल व अमेरिकाय् यक्व मनुत न्हिथं प्रभावित जुयाच्वंगु धलखय् लाः । ब्राजिलय् २४ घौ दुने ४७ द्व ८२८ व अमेरिकाय् ४४ द्व ६३७ मनुत कोरोना संक्रमित खनेदत । आःतकया कोरोना संक्रमितया ल्याखँ दकलय् न्हाप अमेरिका, ल्यू ब्राजिल व लियाँल्यू भारत खः । तर भारतया न्हिथंया कोरोना संक्रमितया ल्याखँ भारतं ब्राजिलयात छुं वा दुने ल्यू लाकिगु खनेदु ।
0 Comments:
Post a Comment