दुर्लभ जनजाति अण्डमानया दुजःयात तकं कोरोना, लोप हे जुइगु खतरा


भारतय् अण्डमान द्वीपया छगु टापुइ च्वनाच्वंगु दुर्लभ जनजातिया दुजःयात तकं कोरोना संक्रमण पुष्टि जूगु दु ।

स्वास्थ्य अधिकारीया कथं प्यम्ह दुजलय् कोरोना संक्रमण खनेदूगु बीबीसीं न्ह्यथंगु दु । संक्रमित जनजातियात अस्पतालय् भर्ना याःगु दुसा मेपिं निम्हसित स्थानीय केयर सेन्टरय् क्वारेन्टिनय् तयातःगु दु ।

बीबीसीया कथं ग्रेट अण्डमान जनजाति हलिंन्यंकं ५३ म्ह जक ल्यं दनि । थुपिं निकोर द्वीप पुचःया ३७ गु द्वीपमध्ये छगु बासिन्दा खः ।


अण्डमान द्वीप समूहया पुर्वी हिस्साय् आःतक कोरोना संक्रमण २ द्व ९ स ८५ म्ह पुष्टि जूगु दु । अण्डमान द्वीप पुचलय् न्यागु जाति दु गुकि जरावा, नोर्थ सेन्टीनेलिज, ग्रेट अण्डमान, ओग व सेम्पेन दुर्लभया धलखय् लानाच्वंगु दु ।

सन् २०१८ य् जोन एलेन चाउ नांया छम्ह अमेरिकीं थूगु टापुइ वनेगु कुतः याःगु खःसा उगु जनजातिं तीरं कयेका स्याःगु खः । 

अथेहे कोरोनां जरावा जनजाति नं खतरा खनेदुगु न्ह्यथंगु दु । थूगु जनजाति करीब ४७६ म्ह जक ल्यं दनि ।


Share on Google Plus

News: Newa News

    छ्याता
    फेसबुक छ्याता