नेपालय् कोरोना भाइरसं २४ घौ दुने ४ म्ह मनुत मन्त ।
स्वास्थ्य तथा जनसंख्या मन्त्रालयया कथं महोत्तरी, धनुषा, अछाम व मोरङ जिल्लाय् छम्ह छम्ह याना प्यम्ह मनु सीगु खः ।
मन्त्रालयया कथं धनुषाया मिथिला नगरपालिका ७ ढल्केवरया ८५ दँया मिसाया साउन २८ गते बीपी कोइराला स्वास्थ्य विज्ञान प्रतिष्ठानमा उपचार यायां मदुगु खः ।
अथेहे अछामया रामारोशन गाउँपालिका—५ या १८ दँया ल्याम्ह साउन २८ गते पाटन स्वास्थ्य विज्ञान प्रतिष्ठानय् नुगःचुया ल्वय्या उपचार यायेगु मदुगु खः ।
मोरङया विराटनगर महानगरपालिका—३ या ५७ दँया मिजँ साउन २८ गते कोसी अस्पतालय् उपचारया झ्वलय् मदुगु खः । वयेकः मधुमेह व उच्च रक्तचापं ग्रसित खः ।
अथेहे महोत्तरीया मटिहानी नगरपालिका ६ या ४५ दँया मिजँ साउन २५ गते मदुगु खः । क्षयरोग व चिनिल्वचँ ग्रसित वयेकःया राज जानकी अस्पतालय् उपचारया झ्वलय् मदुगु खः ।
0 Comments:
Post a Comment