थप स्वम्ह कोरोनां सित


२४ घौ दुुने स्वम्ह मनु कोरोनां मदय् नापं सीपिनि ल्याः ७६ थ्यंगु दु । कोरोना संक्रमणं आइतबाः २ म्ह सित नापं शुक्रबाः मदुम्ह मिसायाके नं कोरोना पुष्टि जूगु खः ।

नेपालगन्ज मेडिकल कलेज कोहलपुरय् उपचारया झ्वलय् कोहलपुर नगरपालिका २ छेँ दुम्ह ७० दँया छम्ह मिसा कोरोना जुया आइतबाः न्हिनय् मन्त ।

निमोनिया जुया शुक्रबाः अस्पताल भर्ना जुम्ह वयेकः आइतबाः न्हिनय् ३ः१० बजे मदुगु खः । शुक्रबाः हे स्वाब संकलन याःसां सीगु छुँ घौ लिपा कोरोना पोजेटिभया रिपोर्ट वःगु खः ।

अथेहे कास्कीया पोखरा स्वास्थ्य विज्ञान प्रतिष्ठानया कोभिड–१९ उपचार केन्द्रय् भर्ना जुम्ह पोखरा–१९ या ६२ दँया मिजँ शनिबाः चान्हय् ११ः३५ ता इलय् मन्त । १७ साउनय् अस्पताल भर्ना जुम्ह वयेकः चिनि ल्वचं कःम्ह खः ।

अथेहे वीरगञ्जय् अस्पताल मामां मदुम्ह मिसायाके नं कोरोना पुष्टि जूगु दु । बागु दर्जन अस्पतालं भर्ना मकाःगु व उपचार याय् मखना वयेकःया मृत्यु जूगु खः ।

Share on Google Plus

News: Anonymous

    छ्याता
    फेसबुक छ्याता

0 Comments:

Post a Comment