थप ५९४ म्हेसित कोरोना संक्रमण, २४० डिस्चार्ज


लिपांगु २४ घौ दुने आःतकया दकलय् अप्वः ११ द्व व ५७५ पिसिआर परीक्षण याःगु दु । थुकि ५९४ म्हेसिके कोरोना भाइरस (कोभिड–१९) या संक्रमण पुष्टि जूगु दु ।

थ्व नापं संक्रमितया ल्याः २५ हजार ५५१ थ्यंगु दु । उकि १०० म्हेसिया मृत्यु जूगु दुसा १० द्व ७७ म्ह डिस्चार्ज जूगु दु । उकि शुक्रबाः २४० म्ह डिस्चार्ज जूगु खः ।

मन्त्रालयया येँ दकलय् अप्व ८३ म्ह संक्रमित खनेदतसा, पर्साय् ७१ म्ह, मोरङय् ५३, सुनसरी, यलय् ३०, महोत्तरी व बाराका २४, २४, तनहुँ व बाँकेया २२, २२, सुर्खेतय् २१, मकवानपुरय् १८, सप्तरी, सर्लाही, चितवन व रुपन्देहीइ १४, १४, सिन्धुलीया ११ जना, झापा, ख्वप व कैलालीइ ९, ९ म्ह, सिराहा व अछामया ६, ६म्ह, रौतहट, बर्दिया व कपिलवस्तुया ५, ५, दैखेलया ३ व सिन्धुपाल्चोक, नवलपुर व कञ्चनपुरया २, २ अथेहे उदयपुर, नुवाकोट, दोलखा, धादिङ, कास्की, लमजुङ, पर्वत, स्याङ्जा, दाङ, सल्यान, बाजुरा, हुम्ला व बझाङय् छम्ह छम्ह कोरोना संक्रमण पुष्टि जूगु दु ।

Share on Google Plus

News: Newa News

    छ्याता
    फेसबुक छ्याता