कोशी अस्पतालय् निम्ह कोरोना संक्रमितया मृत्यु


विराटनगरया कोशी अस्पतालय् निम्ह कोरोना संक्रमित बिहिबाः मन्त ।

अस्पतालया आइसोलेसन वार्डय् उपचार यानाच्वंम्ह सिरहा बिष्णुपुर गाउँपालिकाया ४० दँ व विराटनगर १५ या ३० दँया निम्ह मिजँ उपचारया झ्वलय् मदुगु कोशी अस्पताल आइसोलेसन वार्डया संयोजक लक्ष्मीनारायण यादवं न्ह्यथनादिल ।

निमोनिया तच्वकं जुम्हेसित सासः ल्हाय् थाकुगु व उपचारया झ्वलय् हे मदुगु खः ।

बिराटनगरयाम्हेसित नं बिहिबाः सुथं तच्वकं ज्वरो वःगु व सासः ल्हाय् थाकुगुलिं अस्पतालय् हःगु खः । न्हापा कोरोना नेगेटिभ क्यंगु खः । सी धुंका हाकनं स्वाब परिक्षण यानास्वःबलय् पाजिटिभ क्यंगु खः ।

Share on Google Plus

News: Newa News

    छ्याता
    फेसबुक छ्याता