नेपालमा कोरोनां सीपिनि ल्याः सछि थ्यन, ७८ प्रतिशत मिजँ


नेपालय् कोरोना भाइरस सङ्क्रमणं सीपिनि ल्याः सछि थ्यन । थुकि ७८ म्ह मिजँ व २२ म्ह मिसा कोरोनां मदुगु खः ।

धनुषाया जनकनन्दनी गाउँपालिका ४ या ५० दँया मिजँ कोरोना सङ्क्रमणं सी नापं ल्याः १०० थ्यंगु खः । जनकनन्दनी गाउँपालिका ४ या ५० दँया मिजँ सासः ल्हाय् थाकुया जिल्ला अस्पताल व प्रादेशिक अस्पतालय् भेन्टिलेटर मदुगुलिं येँ छ्वःगु खःसा बिहीबाः लँय् हे मदुगु खः । शुक्रबाः जक वयेकःयाके कोरोना पुष्टि जूगु खः ।

आःतक प्रदेश नम्बर १ य् ९ म्ह, प्रदेश नम्बर २ लय् ४३ म्ह, वाग्मती प्रदेशय् १८ म्ह, गण्डकी प्रदेशय् ६ म्ह, प्रदेश ५ य् १२ म्ह, कर्णाली प्रदेशय् प्यम्ह व सुदूरपश्चिम प्रदेशय् म्हेसिया ज्यान वंगु खः ।

वंगु २४ घौ दुने कोरोनाया कारणं न्याम्हेसिया ज्यान वंगु दु । मोरङ, धनुषा व सिरहाय् छम्ह छम्ह व बाराय् निम्ह सिउगु खः ।


Share on Google Plus

News: Newa News

    छ्याता
    फेसबुक छ्याता