बनारसया भाइरल भिडियोया मनु नेपामि मखु


भारतया बनारसय् विश्व हिन्दु सेनां सँ खाना दुव्यर्वहार याःगु धाःम्ह मनु नेपामि मखुगु सीदुगु दु । बाराणसी प्रहरीया कथं उम्ह मनु भारतीय नागरिक हे जूगु व ध्यबा बिया अभिनय याःगु न्ह्यथंगु दु ।



अयोध्याबारे प्रधानमन्त्री केपी शर्मा ओलीं ब्यूगु अभिव्यक्तिया विरोधय् बनारसय् छम्ह नेपामियात बलपूर्वक सँ खाना छ्यनय् जय श्रीराम च्वःगु धासें विश्व हिन्दु सेनां भिडियो सामाजिक सञ्जालय् तःगु खः । नापं प्रम ओलीं थःगु खँ लित मकाःसा भारतय् च्वंपिं नेपामियात बामलाइगु ख्याच्व तकं ब्यूगु खः ।

भिडियो फुटेज सामाजिक सञ्जालय् तःम्हेसित प्रहरीं ज्वंगु खःसा विश्व हिन्दु सेनाया संस्थापक अरुण पाठकविरुद्ध एफआईआर दायर याःगु खः ।

पीडित धाम्ह मनु शनिबार बाराणसी प्रहरीं लुइकुगु खः । उम्ह मनु नेपामि मखुसे भारतीय नागरिक जूगु अनं लिपा सीदुगु खः । द्वछि दाँ कया उम्ह मनु सँ खाना भिडियोलय् च्वंगु खः ।
घटनाय् संलग्न ६ म्हेसित ज्वनेधुंकुगु दु ।


Share on Google Plus

News: Newa News

    छ्याता
    फेसबुक छ्याता