सेना, प्रहरी व कैदीबन्दीनापं थप ३४ म्ह कोरोना संक्रमित



पर्साया वीरगञ्जय् सेना, प्रहरी व कैदीबन्दी नापं ३४ म्हेसित कोरोना संक्रमण पुष्टि जूगु दु ।

नारायणी अस्पतालया पीसीआर प्रयोगशालाय् २ स व ७४ म्हेसिया स्वाब परीक्षण याःगु इलय् ३४ म्हेसिके कोरोना खनेदूगु खः ।

कन्ट्याक्ट ट्रेसिङ जक मखु ध्यबा पुला पीसीआर याःपिंके तकं कोरोना खनेदूगु खः ।

संक्रमितमध्ये २० म्ह वीरगञ्जया खः । अथेहे नेपाली सेनाया १ म्ह, नेपाल प्रहरीया ३ म्ह, कैदीबन्दी ६ म्ह, कारागारया कर्मचारी २ म्ह, स्वास्थ्यकर्मी छम्ह व थःपिसं ध्यबा पुला पीसीआर याःम्ह छम्ह नं कोरोना संक्रमित लूगु खः ।

पर्साय् थ्व न्ह्यः ४८म्ह संक्रमित अस्पताल मथ्यंनि । छेँ हे होम आइसोलेसन च्वनाच्वंसां मापदण्ड पुमवंगुलिं मेपिं छेँजःयात संक्रमण अप्वइगु जनस्वास्थ्य विज्ञतय् ग्याःचिकु दु ।

‘मास टेष्टिङ’ याना मुंकुगु १५ स म्हेसिया स्वाब धाःसा परीक्षण याय् ल्यँ दनि ।


Share on Google Plus

News: Newa News

    छ्याता
    फेसबुक छ्याता