अभियन्ता विद्या श्रेष्ठयात घाःपा, ख्वनाय् अश्रुग्यासनापं प्रहरी दमन


ख्वनाय् वृहत वाः पीगु ज्याय् प्रहरीं दमन याःगु दु । अश्रुग्यास नापं लाठि चार्जयाःगु प्रहरीं वा पीगु ज्याय् पंग ठंगु दु । स्थानिय वासितयेसँ प्रहरीया अवरोधया दथुइ वा पीगु ज्या यानाच्वंगु खःसा, प्रहरीं पनेत स्वःगु खः । थ्व दथुइ विवाद अप्वया सशस्त्र प्रहरीं लाठि चार्ज नापं अश्रुग्यास प्रहार तकं याःगु खः ।

विद्या श्रेष्ठ



झडपया दथुइ अभियन्ता विद्या श्रेष्ठ घाःपा जूगु दु । श्रेष्ठयात प्रहरीया पुचलं लाठिचार्ज याना घाःपा याःगु खः । नापं वयेकःयात दुव्र्यवहार तकं याःगु श्रेष्ठं न्ह्यथनादिल । नागरिकया अधिकारया वकालत यानागु इलय् राज्यं दमन याःगु धाःसें वयेकलं थुकिया विरोधं निरन्तरता काइगु न्ह्यथनादिल ।



अथेहे अभियन्ता सुमन साय्मीं गैर न्यायिक सरकारया दमनयात विरोध यायेत आन्दोलन न्ह्याकेगु न्ह्यथनादिल ।
वा पीज्याया नितिं संयोजन यानादीम्ह नेपाल डंगोलं थःपिंसं अधिकारया नितिं आन्दोलन यानागु व प्रहरी दमनया लिसः सरकारयाके कायेगु न्ह्यथनादिल । अधिकार मदुतले थःपिं सुम्क मच्वनेगु वयेकलं न्ह्यथनादिल ।

नेपाल डंगाेल



Share on Google Plus

News: Newa News

    छ्याता
    फेसबुक छ्याता