पीसीआर टेष्टया माग यासें कोरोना संक्रमितया भोक हडताल


पीसीआर विधिं परीक्षण यायेत माग यासें सुर्खेतय् कोरोना भाइरस (कोभिड १९)या संक्रमितपिंसं भोक हडताल याःगु दु । प्रदेश राजधानी वीरेन्द्रनगरया सिटी बसपार्कया आइसोलेसनय् १४ न्हु तक आइसोलेसनय् च्वंपिं इपिं छुँ लक्षण मदुगु धासें छेँ लित छ्वयेत्यंगु खः । वीरेन्द्रनगर नगरपालिकाया प्रमुुख प्रशासकीय अधिकृत टीकाराम ढकालया कथं संघीय सरकारया प्रोटोकलकथं १४ न्हु आइसोलेसनय् तया छेँ छ्वयेत्यंगु खः ।

तर इम्सं धाःसा पीसीआर विधिं परीक्षण याना संक्रमण दुगु मदुगु पुष्टि यायेत इनाप याःगु दु ।

पीसीआर परीक्षण रिपोर्ट मदयेकं छेँ लिहाँ मवनेगु धाःसें इम्सं न्हिछि छुँ हे मनः । पीसीआर परीक्षण मयाःसे छेँ लिहाँवंसा समाजय् घुुलमिल जुइत समस्या जुइगु धासें परीक्षणया अडान काःगु खः । आइसोलेसनय् २७ म्ह संक्रमित दु ।

देया थीथी थासय् आइसोलेसन व क्वारान्टिन धाःसा बुलुहुँ खालि जुयावनाच्वंगु सरकारं न्ह्यथंगु दु ।
Share on Google Plus

News: Newa News

    छ्याता
    फेसबुक छ्याता