प्रधानमन्त्रीया प्रेस सल्लाहाकार सूर्य थापां प्रधानमन्त्री केपी शर्मा ओलीया स्वीस बैङ्कया खाताय् ५५ लख अमेरिकी डलर दूगु रिर्पोट तथाकथित व कपोलकल्पित जूगु न्ह्यथनादीगु दु ।
बुधबाः सामाजिक सञ्जाल फेसबुकपाखें प्रेस विज्ञप्ति पिकाःसें सल्लाहाकार थापां ‘ग्लोबल वाच एनालाइसिस’य् पिहाँवःगु उगु रिपोर्ट गैरजिम्मेवारीपूर्ण व बदनियत नापं भ्रामक, मखूगु व चरित्रहत्या यायेत सम्प्रेषण जूगुलिं ध्यानाकर्षण जूगु न्ह्यथंगु दु ।
थ्व रिपोर्ट शतप्रतिशत गलत जूगु वयेकलं न्ह्यथनादिल । वयेकलं थ्व रिपोर्ट खेदजनक जूगु तकं न्ह्यथनादिल ।
आम नेपामियात थज्यागु छुं नं दुष्प्रचारया भ्रमय् मच्वनेत वयेकलं आह्वान तकं यानादीगु दु ।
छुं दिं न्ह्यः ‘ग्लोबल वाच एनालाइसिस’य् पिहाँ वःगु बुखँ थुकथं दु ।
छ्याता
फेसबुक छ्याता