सरकारं स्वनिगलय् सार्वजनिक सवारी साधन थौं निसें न्ह्याकेत उजँ ब्यूगु दु । स्वनिगः पिने नं छगु जिल्लां मेगु जिल्ला वने मदइगु कथं सवारीसाधन न्ह्याके दइ ।
कूल क्षमताया ५० प्रतिशत यात्रु तया चीहाकःगु दुरीया सवारी सञ्चालन यायेत सरकारं छुट ब्यूगु खः । सवारी चालक व सहचालकं मास्क नापं भाइजर व पञ्जा न्ह्यायेमा । गाडीइ स्यानिटाइजरया व्यवस्था यायेमाःगु प्रावधान दु ।
सार्वजनिक यातायातं थ्व मापदण्ड लागू जुइतले प्रचलित भाडादरया ५० प्रतिशत अप्वः ध्यबा कायेफइगु व्यवस्था याःगु दु ।
सरकारं ताःहाकःगु व मध्यम दूरीया यातायात धाःसा चायेकुगु मदुनि ।
छ्याता
फेसबुक छ्याता