लक्षण मक्यंसां कोरोना संक्रमण जुइ : विश्व स्वास्थ्य संगठन


लक्षण मखंपिं तर कोरोना पोजिटिभ जूपिंसं नं कोरोना मेपिंत सारे याइगु विश्व स्वास्थ्य संगठनं न्ह्यथंगु दु । थीथी देसय् कोरोना पुष्टि जूपिं मनुतयेगु कन्ट्याक्ट ट्रेसिंग यायेगु झ्वलय् लक्षण मखंपिं (एसिम्टोमेटिक) मनुत पाखें कोरोना संक्रमण जुयाच्वंगु स्वस्थ्य संगठनया प्राविधिक प्रमुख डा. मारिया भ्यान कर्कोभं न्ह्यनादिल ।

कोरोना गुलि मात्राय् थुकथं लक्षण मदुपिंसं सारे याइ धैगु अझ नं अनुसन्धान जुयाच्वंगु धासें वयेकलं लक्षण मदुम्ह कोरोना संक्रमितं मेम्ह मनुयात कोरोना सारे यानाच्वंगु न्ह्यथनादिल । कोरोना पुष्टि जुइधुंका लक्षण दुसां मदुसा क्वारान्टिनय् हे च्वनेमाःगु वयेकलं बः बियादिल । कोरोना रोकथाम यायेत लक्षण मदुपिंत नं क्वारान्टिनय् तया परिक्षण धुंका नेगेटिभ वःसा जक सुरक्षित जुइगु वयेकःया धापु दु ।

Share on Google Plus

News: Anonymous

    छ्याता
    फेसबुक छ्याता