ओलीया विरोधय् भारतय् नेपामिया मुण्डन, उत्तर प्रदेशया मुख्यमन्त्रीं याइला कारबाही


प्रधानमन्त्री केपी शर्मा ओलीं राम बूगु अयोध्याबारे ब्यूगु अभिव्यक्तिं भारतय् तरंग पिहाँवःगु दुसा थुकिं अन च्वंपिं नेपामितयेत समस्याय् लाकुगु दु ।

बनारस (काशी) या पशुपतिनाथय् छम्ह नेपामियात विश्व हिन्दु सेनां दुव्र्यवहार याःगु दु । उम्ह ल्याम्हया सँ खाना ओली बिरुद्ध नारा नापं थ्वयेकूगु दु । थःपिं भारतय् ज्या यानाच्वनागु व थःपिंत ज्या यायेगु लकस दयेकाबीत उम्ह ल्याम्हँ इनाप तकं याःगु दु ।

थ्व नापं पोस्टर तिकुगु दुसा थ्व विषययात कया भारतया नितिं नेपाःया राजदूत निलाम्बर आचार्यं उत्तर प्रदेशया मुख्यमन्त्री योगी आदित्यनाथनाप टेलिफोन खँल्हाबल्हा याःगु दु ।

आचार्यया कथं मुख्यमन्त्री योगीं थ्व घटनायात गम्भीरतापूर्वक काःसें माःगु कारबाही यायेगु प्रतिबद्धता प्वंकुगु दु ।
हिन्दुवादी संगठन विश्व हिन्दु सेनां उगु पोस्टरय् ओलीया विरोध यासें अयोध्याया सम्बन्धय् याःगु टिप्पणी लित मकाःसा उकिया परिणाम भारतय् च्वनाच्वंपिं नेपामिपिंसं बेहोरे याइगु ख्याच्व बियातःगु दु ।

बनारस (काशी) या ललिताघाटस्थित थूगु पशुपतिनाथ देगः नेपाःया जुजु रणबहादुर शाहं देकुगु खः । बनारस प्रवासय् च्वनाच्वंगु इलय् शााहं नेपामि पाखें हे देगः देकेत ब्यूगु खः ।


Share on Google Plus

News: Newa News

    छ्याता
    फेसबुक छ्याता