भारतयात नेपाःया कडा लिसः, कालापानी, लिम्पियाधुरानापंया लागा नेपाःया भूभाग, पनेमते


जिल्ला प्रशासन ज्याकु दार्चुलां नेपाली भूभागय् नेपाली नागरिकया आवतजावत स्वाभाविक जूगु न्ह्यथंगु दु । जुलाई १४ य् भारतया उत्तराखण्ड राज्यया धारचुला जिल्लाया उप–जिल्लाधिकारीं अनाधिकृत तवरं कालापानी, लिम्पियाधुराय् नेपामित वयाच्वंगुलिं पनेत इनाप याःगु खः । उकिया लिसलय् जिप्रका दार्चुलां लिम्पियाधुरा, कुटी, नाबी, गुंजी, कालापानी व लिपुलेक थें जाःगु लागा नेपाःया भूभाग जूगु स्पष्ट खः धासें नेपामित वयेवनेगु स्वाभाविक जूगु न्ह्यथंगु दु ।

दार्चुलाया सहायक प्रमुख जिल्ला अधिकारी टेकसिंह कुँवरं लिसः छ्वःसें नेपाः व ब्रिटिस इन्डिया कम्पनीदथुइ सन् १८१६ य् सम्पन्न सुगौली सन्धिया धारा ५, उगु इलय् प्रकाशित नक्सा व ऐतिहासिक तथ्य व प्रमाणया आधारय् काली खुसि व पूर्वया लिम्पियाधुरा, कुटी, नाबी, गुंजी, कालापानी व लिपुलेक नापंया लागा नेपाःया भूभाग जूगु स्पष्ट जूगु न्ह्यथनातःगु दु ।

नेपाःया भूभागय् नेपामिया आवत–जावतय् बाधा अड्चन जुइमज्यूगु उजँ तकं बियातःगु दु । 



वंगु जुलाई १४ य् धारचुलाया उप जिल्ला अधिकारी अनिलकुमार शुक्लां कालापानी, लिम्पियाधुरा व गुंजीयात भारतीय लागा धासें नेपाली गुट व पुचलं घुसपैठ याःगुलिं सुचं बीत इनाप याःगु खः ।





Share on Google Plus

News: Newa News

    छ्याता
    फेसबुक छ्याता