वीरगन्जय् बुधबाः निम्ह कोरोना संक्रमितको मृत्यु


वीरगन्जया ब्यागलं ब्यागलं अस्पतालय् बुधबाः निम्ह कोरोना संक्रमित सित । पर्साया सहायक प्रमुख जिल्ला अधिकारी ललितकुमार बस्नेतया कथं नेशनल मेडिकल कलेजय् वासः याकाच्वंम्ह ७० दँ दुम्ह व नारायणी अस्थायी कोरोना अस्पतालय् वासः याकाच्वंम्ह ६८ दँया ज्याथाया मृत्यु जूगु खः ।

मेडिकल कलेजय् सुथः ३ बजे सिम्ह ७० दँया ज्याथा सनिल नारायणी अस्पतालया प्रयोगशालय् याःगु पीसीआर परीक्षणय् कोरोना पोजिटिभ वःगु खः । वीरगन्ज महानगरपालिका–६ माइस्थान निवासी वयेकःयाके जलसेँ व दमया ल्वय् दूगु खः । 

अथेहे नारायणी अस्थायी कोरोना अस्पतालय् ६ न्हुनिसें उपचार यानाच्वंम्ह वीरगन्ज महानगरपालिका–७ रेशमकोठी निवासी ६८ दँया ज्याथा बुधबाः सुथः १० बजे जुया ४० मिनेटय् मदुगु खः । वयेकः नुगः चुया ल्वगि खःसा स्वासप्रश्वासय् समस्या वःगुलिं स्वाब संकलन याना परीक्षण याःबलय् पोजिटिभ वःगु खः ।

८ न्हु दुने वीरगन्जय् ६ म्ह कोरोना संक्रमितया मृत्यु जूगु दु ।

Share on Google Plus

News: Anonymous

    छ्याता
    फेसबुक छ्याता

0 Comments:

Post a Comment