३३ स नमुनाय् ५७ म्ह कोरोना पुष्टि


लिपांगु २४ घौ दुने निगु अंकया जक संक्रमण पुष्टि जूगु दु । ३ द्व ३ स व ३१  गु नमुना परिक्षण्य् मुक्कं ५७ म्ह कोरोना भाइरस (कोभिड १९) संक्रमण पुष्टि जूगु दु । थ्व ल्याः स्वय् बलय् नेपाःया अवस्था बाँलाःगु धायेफु ।
नेपालय् संक्रमितया ल्याः १७ द्व ५०२ थ्यने धुंकुगु दु । उकि ४० म्ह सी धुंकुगु दुसा ११ द्व ६ स व ३७ म्ह डिस्चार्ज जुइधुंकुगु दु । लिपांगु २४ घौ दुने १०३ म्ह डिस्चार्ज जूगु दु ।

स्वास्थ्य तथा जनसंख्या मन्त्रालयया कथं दकलय् यक्व कैलालीइ १३ म्ह संक्रमित लूगु दु । अथेहे मोरङय् ९, डोटी ७, दैलेख ५, रुकुम पश्चिम ३ व तेह्रथुम, सर्लाही, गुल्मी, पाल्पा, डडेलधुरा व बझाङय् निम्हनिम्ह, इलाम, झापा, बारा, नुवाकोट, बाग्लुङ, पर्वत, सल्यान व कञ्चनपुरय् छम्हछम्ह कोरोना संक्रमित पुष्टि जूगु दु ।
Share on Google Plus

News: Anonymous

    छ्याता
    फेसबुक छ्याता