क्वारेन्टाइनया चम्चानिसें कुकरतक खुया यन, संक्रमितं गाँ त्रासय्


बाजुराया त्रिवेणी नगरपालिका–६ पन्धाराया पुष्पलाल आधारभूत ब्वनेकुथिया क्वारेन्टिनय् खुया यंकुगु दु । क्वारेन्टाइनय् च्वनेगु नितिं तयातःगु फाँगा निसें लासा नापं थीथी हलंज्वलं खुया यंकुगु नगर प्रवक्ता प्रेमबहादुर थापां न्ह्यथनादिल ।

असार ५ गतेनिसें क्वारेन्टिन खालि जूगु खः । १८ म्ह कोरोना संक्रमितयाके १४ न्हु तक छुं लक्षण मवःगु धाःसें पीसीआर रिपोर्ट मवःसां छेँ छ्वःगु खः ।

छेँ छ्वःसां होम क्वारेन्टिनय् इपिं मच्वंगु सीदुगु दु । थुकिं याना गामय् त्रास अप्वःगु दु । स्थानीय प्रहरी प्रशासन, स्थानीय तह व स्वास्थ्य ज्याकुया लापरवाहीं सङ्क्रमणं तःधंगु रुप काइगु ग्याःचिकु दु । थ्व न्ह्यः बाजुराया बडिमालिका नगरपालिकाया ३४ म्ह सङ्क्रमतियात नं पिसिआर टेष्ट मयाःसे लित छ्वःगु खः ।

खालि क्वारेन्टिनं कचौरा ३४ थान, देमा ३४ थान, गिलास ३७ थान, चम्चा ३९ थान, कुकुर पाँच लिटर एक थान, फ्राइबीन २ थान, कराइ एक थान, पन्यू एक थान खुया यंकुगु दु । अथेहे क्वारेन्टिनय् छ्यलातःगु फुंग ३६ थान, तन्ना ४ थान, फांगा २६ थान व पिफर्म ३ गु नं खुयायंकुगु दु । खुया यंकुगु सीधुंका प्रहरीं मालेज्या यानाच्वंगु दु ।

Share on Google Plus

News: Newa News

    छ्याता
    फेसबुक छ्याता