आरडिटि नेगेटिभ वया छेँ वंम्हेस्यां यात आत्महत्या, पिसिआर धाःसा पोजेटिभ


दैलेखया दुल्लु नगरपालिका–१० छुवालाया २१ दँ दुम्ह ल्याम्हं आत्महत्या याःगु दु । सिम्हय् कोरोना परीक्षणयाःगु इलय् नतिजा पोजेटिभ वःगु दु प्रदेश अस्पताल व पशुपंक्षी रोग अन्वेषण प्रयोगशालां बिहिबाः पुष्टि याःगु दु ।

जेठ ११ गते भारतं वया १४ न्हु क्वारेन्टिनय् च्वना आरडिटी परीक्षण नेगेटिभ वःसेंलि वयेकः छेँ लिहाँ वंगु खः । वयेकलं छाय् आत्महत्या यात धैगु अनुसन्धान जुयाच्वंगु दु ।

दुल्लुया नगर प्रमुख घनश्याम भण्डारीं सिम्ह व्यवस्थापनया लागि नेपाली सेनानाप समन्वय जूगु न्ह्यथनादिल ।

Share on Google Plus

News: Newa News

    छ्याता
    फेसबुक छ्याता