न्यूरोडया पसः प्रहरीं बन्द याकल, व्यापारीतय् प्रतिरोध


२७ जेठ, येँ प्रहरीं हानं पसः बन्द याकुगु दु । मंगलबाः सुथः पसः बन्द याकाच्वंगु प्रहरी पुचः व व्यापारीत दथुइ न्यूरोड लागाय् घम्साघम्सी हे जुल । तःधंगु ल्याखय् प्रहरीयात तैनाथ तकं याकल ।

छुँ दिं न्ह्यः नेपाल राष्ट्रिय व्यवसायी महासंघ व प्रमुख जिल्ला अधिकारीपिं नाप सहलह याना पसः चायेकेगु विषयलय् सकारात्मक खल्हाबल्हा जूगु खः । येँ, यल व ख्वपया प्रमुख जिल्ला अधिकारीपिंसं व्यापारीयात पसः चायेकेत मथनेगु निर्णय याःगु खः । थौं धाःसा प्रहरीं थुकथं पसः बन्द याकुगु खः ।

तर, न्यूरोडया प्रहरी अधिकृतपिंसं च्वं छुं नं आदेश मवःगु धाःसें पसः बन्द याकाच्वंगु दु ।

Share on Google Plus

News: Newa News

    छ्याता
    फेसबुक छ्याता