सरिता गिरीं संशोधन लित मकाल, जसपां कारवाही याइला ?


थःगु हे पार्टीया सांसद सरिता गिरी संविधान संशोधनया विपक्षय् दँसेंलि सहलह यायेत समाजवादी पार्टी संसदीय दलया मुँज्या च्वनाच्वंगु दु ।

नेपाःया न्हूगु नक्सा निशानछापय् अध्यावधिक यायेत संविधान संशोधन यायेत्यंगु खः । तर, समाजवादी पार्टीया सांसद गिरीं उकिया विरोध यासें संविधान संशोधन यायेमज्यूगु प्रस्ताव संसद सचिवालयलय् दर्ता याःगु खः । समाजवादी पार्टीं प्रस्ताव फिर्ता कायेत व मकाःसा कारवाही यायेगु न्ह्यथंगु खः ।

थ्व विषयलय् सहलहयायेत ११ बजे पार्टीया संसदीय दलया मुँज्या सःतातःगु समाजवादी पार्टीया प्रमुख सचेतक उमाशंकर अरगरियां न्ह्यथंगु दु ।

थ्व न्ह्यः जनता समाजवादी पार्टिं नक्सा संसोधनया पक्षय् मतदात यायेगु क्वःछीधुंकुगु दु । पार्टि निर्णय विपरित मतदान यायेफूगुलिं गिरी विषयलय् निर्णय कायेत मुँज्या च्वनाच्वंगु खः ।


Share on Google Plus

News: Anonymous

    छ्याता
    फेसबुक छ्याता