मस्तयेत झाडापखालाविरुद्ध खोप बीगु


सरकारं न्हापांगु खुसि झाडापखाला पनेत खोप बीत्यंगु दु । स्वास्थ्य सेवा विभाग परिवार कल्याण महाशाखां बूगु न्यादँ क्वय्या मस्तयेत झाडापखालाविरद्ध खोप ‘रोटारिक्स’ बीत्यंगु खः ।

महाशाखाया बालस्वास्थ्य तथा खोप सेवा शाखाया प्रमुख डा. झलक शर्मा गौतमं झाडापखालां दँयेदसं जुइगु मस्तयेगु मृत्युदर पनेत खोप बीत्यनागु न्ह्यथनादिल ।

वयेकःया कथं दँयेदसं स्वंगु लख ५० द्व निसें प्यंगु लख मस्तयेत झाडापखाला जुइगु व वमध्ये गुँगु प्रतिशत मस्त सिनाच्वंगु दु । मस्तयेत जुइगु झारा ४० प्रतिशत रोटा भाइरसया कारणं जुइगुलिं थ्व खोप बीत्यंगु खः ।

‘रोटारिक्स’ थ्व हे असारदुने न्ह्येगुलिं प्रदेश व दक्व जिल्लाय् छ्वयेधुंकुगु दु । खोप सरकारया १६ द्व खोप केन्द्रया नियमित स्वास्थ्य स्वयंसेविकां नकेत्यंगु खः ।

थूगु खोप न्हापांगु खुसि मचा खुला दैबलय् व निक्वःगु खुसि झिला धुंका नकेगु याइ । खोपया मात्रा १.५ मिलिलिटर दइ ।

Share on Google Plus

News: Newa News

    छ्याता
    फेसबुक छ्याता