विश्व स्वास्थ्य संगठनं कोभिड १९ हलिमय् तच्वकं न्यनाच्वंगु न्ह्यथंगु दु । आःतकया दकलय् अप्व संक्रमितया ल्या वंगु २४ घौ दुने खनेदूगु संगठनं न्ह्यथंगु दु । हलिंन्यंकं छगु लख चय् छद्व मनुत संक्रमित जूगु दुसा ब्राजिलय् छन्हु हे ५५ द्व अप्व मनु संक्रमण पुष्टि जूगु दु । वयाँलिपा म्हाे जुइधुंकुगु अमेरिकाय् नं म्हिगः ३३ द्व अप्व मल्याक मनुतयेत काेराेना पुष्टि जूगु दु । भारतय् नं आःतकया दकलय् अप्व संक्रमित खनेदत । भारतय् १४ द्व अप्व मनुतय् काेराेना पुष्टि जूगु दु ।
लकडाउन च्वच्वं मनुतय् थाकुगु जूसां महामारी झन ग्यानापुया वंगु न्ह्यथंगु दु । फयाँफतले सामाजिक दुरीइ हे च्वनेगु सल्लाह ब्यूसें संगठनया निर्देशक डा. टेड्रोस आडानोम गेब्रेय्ससं सकल देसं मंका कुतः याःसा जक थ्व ल्वचं बचे जुइगु न्ह्यथनादिल । वयेकलं राजनिति यायेगु स्वयाँ स्वास्थ्यया लागाय् ज्या याना जक थूगु ल्वय् यात बुके फैगु न्ह्यथनादिल ।
छ्याता
फेसबुक छ्याता