डा. देवकोटायात प्रवक्तापाखें चीकल


डा. विकास देवकोटायात स्वास्थ्य मन्त्रालयया प्रवक्तापाखें चीकुगु दु । थौं आइतबाःया नियमित प्रेस सम्मेलनय् वयेकलं थः आवलिं प्रवक्ता मखूगु न्ह्यथनादिल ।

वयेकलं मन्त्रालयया प्रवक्ता जुयाबलय् ग्वाहालि याःपिं सकलसित सुभाय् देछानादिल । कोरोना महामारी सुरु जुइ न्ह्यः हे स्वास्थ्य मन्त्रालयया प्रवक्ताया जिम्मेवारी काःम्ह डा. विकास देवकोटायात चीका डा. जागेश्वर गौतमयात हःगु दु । वयेकः समन्वय महाशाखाया जिम्मेवारीनापं प्रवक्ता कथं नियुक्त जूगु खः । गौतम थ्व न्ह्यः प्रसूति गृहया प्रमुख नं खः ।

डा. देवकोटायात धाःसा गुणस्तर मापन महाशाखाया जिम्मेवारी ब्यूगु दु ।


Share on Google Plus

News: Newa News

    छ्याता
    फेसबुक छ्याता