कोरोना संक्रमितं लः काः वल धका करेन्ट त्वतल, छम्ह सित


डोटी जिल्लाया आदर्श गाउँपालिका–७ नवाघरया २६ दँ दुम्ह तुलसी थापा बागया करेन्टं थिया मृत्यु जूगु दु ।
जिल्ला प्रहरी ज्याकु डोटीया प्रमुख प्रहरी उपरीक्षक दिलीपसिंह देउवाया कथं शनिबाः लः कायेत हितिइ वंगु इलय् करेन्टं ज्वना अनतुं सिगु खः ।

स्थानीय १९ दँया सुर्ज किमाडीं लः ट्याङ्कीय् करेन्ट त्वःतुगुलिं थापा बागयात करेन्टं थ्यूगु खः ।

ट्याङ्कीइ करेन्ट त्वःतुम्ह किमाडीयात प्रहरीं ज्वने धुंकुगु दु । गाँया सार्वजनिक हितिइ भारतं कोरोना संक्रमित लः काः वःगु धाःसें करेन्ट त्वःतागु किमाडीं स्वीकार याःगु दु ।

सिम्ह मिसा गाँया ब्वनेकुथिइ बाल विकास ग्वाहालिमि खः ।

Share on Google Plus

News: Newa News

    छ्याता
    फेसबुक छ्याता